Scoil Gheimhridh Sydney
An bhfuil níos mó Gaeilge ag teastáil uaibh? Deireadh seachtaine fada lán de Ghaeilge? Bhuel, nach oraibhse atá an t-ádh mar sin é a mbeidh ar fáil daoibh!
Beidh Scoil Gheimhridh Sydney ar siúl arís an bhliain seo ón 7ú lá de Mheitheamh go dtí an 12ú. Beidh ranganna ann i gcúig leibhéal:
- Tosaitheoir glan
- Cúpla focal/frása
- Ag tosú comhrá
- Cumas comhrá
- Líofa
I measc na gníomhaíochtaí eile, beidh tráth na gceist, aoichainteoir agus ceolchoirm ann agus ranganna i bhfilíocht, amhránaíocht, feadóg, ióga agus damhsa freisin. Beidh go leor spraoi is craic le fáil.
Áirithint
Is féidir an fhoirm iarratais seo a líonadh, a shábháil agus a sheoladh ar ais trí ríomhphost. Nó más maith leat, priontáil é, scríobh isteach do shonraí agus seol ar ais é tríd an post.
Spriocdhátaí
| Lacáiste luais: | 29 Aibreán 2019 |
| Lá deiridh le clárú: | 24 Bealtaine 2019 |
Ar mhaith leat Cupán le Van…⁊ Yer Man, Ann, Nan, Jan is Dan?
Oíche Dé Máirt, mar chomóradh Sheachtain na Gaeilge agus in ómós do Bhearnaí Ó Doibhlin, léirigh ranganna an Chumainn geandráma dá chuid, Cupán le Van. Le háthas (nó ciapadh?) na rannpháirtithe, tá sé ar fáil anois ar an Idirlíon!
Ba chara mór don Chumann é Bearnaí mar mhúinteoir is scríbhneoir agus cronaítear go mór é.
Tionól Gaeilge i Melbourne
Ar 28 Eánair 2018, in International House (a bhaineann le hOllscoil Melbourne), tháinig chomhthionól le chéile mar chlabhsúr ar dheireadh seachtaine Gaeilge.
Os cionn seasca duine as gach cearn a d’fhreastail ar na ranganna agus eile roimhe sin, agus tháinig triocha éigin duine chun an tionóil, cuid acu níos líofa ná a chéile, ach fonn orthu uile tairbhe a bhaint as na cainteanna.
Nach fuar an aimsir?
Beidh téarma a 3 linn sar i bhfad agus nach fuar an aimsir? Tá súil agam go bhfuil an Ghaeilge ag dul i bhfeabhas i ngach rang. Chuala mé go bhfuil dalta thar barr sa bhun rang. Cé hé/hí sin?
Tá iarracht déanta ag an gcoiste agus na múinteoirí chun ábhar an chúrsa a dhéanamh níos soiléire ionas go mbainfidh na mic léinn an tairbhe is fearr as na ranganna, go mór mór na tosaitheoirí. Le bheith cruinn faoi, tá an coiste dícheallach ag cur straitéisí i bhfeidhm chun taithí na mballraíochta a fheabhsú. Bí i dteagmháil linn má tá moladh agat. Ó tharla go bhfuilim thar lear fós, beidh an cruinniú cinn bhliana ar an gcéad oíche ar ais i dtéarma a 3, 17 Iúil ag 7.30 i.n. Ba mhaith linn go mbeidh ionadaíocht ó gach rang ar an gcoiste 2018/19.
Cabhródh sin go mór le héifeachtúlacht an choiste agus bheadh ionchur ó gach rang. Ní obair leadránach, gruama ná dianshaothair atá i gceist leis an gcoiste.
Tá Plean Oibre Sealadach (POS) curtha le chéile ag Garry Mahon ina mbeidh ceithre chuid:
- Teagasc teanga agus cultúr;
- Daonscoil;
- Cumarsáid éifeachtach leis na mbaill agus grúpaí eile;
- Riarachán.
Beidh cóipeanna le fáil níos déanaí. An mhéid atá de dhíth chun dul ar aghaidh ná coiste gníomhach.
Bain sult as an nGeimhreadh!
Deirdre